माधव नेपालको नयाँ पार्टीको नामनै बाहिरियो , कुन जिम्मेवारीमा बस्छन झलनाथ र बामदेव !

नेकपा एमालेबाट विभाजित भई बन्न लागेको नयाँ दलको खाका तयार भएको छ । दलको सम्पूर्ण डकुमेन्ट तयार भइसकेको छ ।विश्वस्त स्रोतका अनुसार नयाँ दलको नाम समेत जुरिसकेको छ । कम्युनिस्ट र समाजवादी शब्द राख्ने गरी यसलाई अन्तिम टुंगो माधव नेपाल र बामदेव गौतम बसेर गर्दैछन् । उनीहरुले दिल्लीमा उपचाररत वरिष्ठ नेता झलनाथ खनालसँग पनि परामर्श गर्ने बुझिएको छ । माधव नेपाल

नयाँ दलका लागि डकुमेन्ट घनश्याम भुसालले तयार गरेका हुन् । भुसाललाई नै नयाँ दलको महासचिव बनाउने गरी नेपाल र गौतमले सहमति बनाएको विश्वस्त स्रोतल बताएको छ । सुरेन्द्र पाण्डेको पनि नाम आएकोमा उनी नेपाल पक्षमा आउने नआउने टुंगो लागेको छैन ।यसैगरी, नयाँ दलमा माधव नेपाल नै अध्यक्ष रहने बुझिएको छ । झलनाथ खनाल र बामदेव गौतमले वरिष्ठ नेता या सहअध्यक्षमध्ये कुनै पद पाउने बुझिएको छ ।

एमालेमा रहँदा स्थायी कमिटीमा रहेका र केन्द्रीय कमिटीमा रहेकाहरुले महत्वपूर्ण जिम्मेवारी पाउने गरी तयारी गरिएको छ । सांसद भएकाहरुले पनि पार्टी कमिटीमा महत्वपूर्ण जिम्मेवारी पाउने बुझिएको छ ।


Recommended For You

Leave a Reply

Your email address will not be published. Required fields are marked *

error: Content is protected !!